თბილისი (GBC) - მსოფლიოში უდიდესმა ლაინერმა მორიგი საცდელი გაფრენისას მარცხი განიცადა, პირველი გაფრენიდან 1 კვირაში.
BBC-ის ცნობით, Airlander 10-ის ჩამოვარდნა ცენტრალურ ინგლისში, სატელეფონო ბოძთან შეჯახებამ გამოიწვია.
ბრიტანელი ჟურნალისტების განცხადებით, ჰიბრიდულმა დირიჟაბლმა ძლიერი დაზიანებები მიიღო, წინა ნაწილში, სადაც განთავსებულია პილოტის კაბინაც. შემთხვევის შედეგად არავინ დაშავებულა.
შეგახსენებთ, Airlander 10 - უნიკალური ხომალდია. 92 მეტრის სიგრძის აპარატს შეუძლია შესვენების გარეშე 2 კვირის განმავლობაში იფრინოს, 4900 მეტრის სიმაღლე დაძლიოს და 148 კმ/სთ-ში სიჩქარე განავითაროს.
ხომალდის შემქმნელი კომპანია Hybrid Air Vehicles-ია.